[Verse 1]
'Ne Jöderzoch krüff üvver de Bröck
De Bäum weeje sich Stöck för Stöck
Däm Hervs entjäje
Ze vill Zick för zo üvverläje
Virus, Huhwasser, Kreech, Inflation
Schlagzeile, Brennpunk, Talkshow-Marathon
Woodhülse-Widderkäu
Jede Ovend vun neu
[Chorus 1]
Ei Kölsch för drei Euro, e Stößche för zwei
Do weiß, wie ich ben, Weet, 'ne Koote dobei
Dä letzte Jrosche för en halve Zarett
Ze spät för de Naach - ze fröh för et Bett
Dä Büggel es leer, dä Schädel es voll
balanciere om Seil zwesche Dur un Moll
Dä letzte Jrosche för en halve Zarett
Ze mööd för de Naach - ze waach för et Bett.
[Verse 2]
Dude Duuve süüme de Stroß
Rolltreppe-Karussell, Minsche en masse
Stadtführung em Kreis
Ne Sommer ze drüsch un ze heiß
Jlöck ka'mer kaufe, su weed et verzällt
Hügg es "Friedach dä Schwatze", loss fleeje dat Jeld
Die Mülltonn waad huhjlanzpoleet
Nur drop, dat se jeföödert weed
[Chorus 2]
Ei Kölsch för drei Euro, e Stößche för zwei
Do weiß, wie ich ben, Weet, vier Koote dobei
Dä letzte Jrosche för en halve Zarett
Ze spät för de Naach - ze fröh för et Bett
Dä Büggel es leer, dä Schädel es voll
balanciere om Seil zwesche Dur un Moll
Dä letzte Jrosche för en halve Zarett
Ze mööd för de Naach - ze waach för et Bett.
[Solo]
[Chorus 3]
Ei Kölsch för drei Euro, dä Rähn es för lau
Fahr jar nit eets loss, do küss nur en d'r Stau
Dä ein flüch noh Sylt em Privatjet
'Ne andere wünsch sich dis Naach e wärm Bett
Dä Büggel es leer, dä Schädel es voll
balanciere om Seil zwesche Dur un Moll
Dä letzte Jrosche för en halve Zarett
Ze mööd för de Naach - ze waach för et Bett.
Recorded in Oakland, “After the Rain” pays tribute to the spirit and sound of John Coltrane in its deft, melodic tunes. Bandcamp New & Notable May 18, 2019
Poet aja monet explores Black resistance, love, and joy with musical backing by Chief Adjuah, Weedie Braimah, Samora Pinderhughes, and more. Bandcamp New & Notable Jun 9, 2023
The latest album by Phill Reynolds, a project of Italian singer Silva Martino Cantele, takes listeners on an Americana-fueled musical ride. Bandcamp New & Notable Jul 8, 2022
More smoky, melancholy folk from Italian singer-songwriter Phill Reynolds, laced with elements of Americana, country, and the blues. Bandcamp New & Notable Jan 13, 2021